Staziun forestala da La Ila

Le personal dla staziun forestala da La Ila eserzitëia funziuns de polizia y de sorvisc por l’osservaziun y l’aplicaziun de leges y normes che reverda le bosch, les eghes, l’ambiënt y la contrada. Implü eserzitëia le personal forestal ince funziuns tecniches, de informaziun, consulënza y divulgaziun. La Staziun forestala da La Ila é competënta aladô dl raiun por i comuns de Badia y Corvara (Alta Badia).

temesc

Descriziun

Le personal forestal provinzial dla staziun da La Ila se fistidiëia en particolar por: 

  • sconanza y sorvisc sön vigni ativité che podess ester de dann por l‘integrité dl‘ambiënt natural y sü ecuilibri ecologics;
  • le sorvisc, la sconanza y la gestiun tecnica di bëgns dl bosch y dla pastöra sciöche ince intervënc de mioramënt che toca lapró;
  • ressanamënc, operes de costruziun che toca lapró y sistemaziun idraulich-forestala y agrara;
  • l‘incorajamënt ala selvicoltöra, al‘alpinism y ala sconanza dles eghes cun conzesciun de provedimënc a bëgn di raiuns da munt;
  • la verda sön i rüs d’ega por evité erojiuns y eghes che vá por sura;
  • la verda sön la pëscia y la ciacia, sciöche ince la sconanza y la gestiun dl patrimone tl monn di pësc;
  • la prevenziun y le coordinamënt dl destodé di medefüc ti bosć;
  • la prevenziun y la batalia cuntra les patologies forestales de provegnënza biotica y abiotica, sciöche ince les maraties infetives y parassitiches ti salverjins;
  • regolamënc al inventar ala descriziun di bëgns dl bosch y dla pastöra;
  • relevamënc de dac y monitoramënt ambiental;
  • compic de proteziun zivila, socurs publich y sorvisc complementars de ordin publich


Le personal forestal provinzial da La Ila eserzitëia tles materies de competënza dla Provinzia Autonoma de Balsan les funziuns y i compic che ti vëgn surandá tl ciamp nazional ai Carabiniers forestai dl Stat.

sort d'organisaziun

Altri uffici e istituzioni

Modalité d'azes

La staziun forestala é da ciafé tl „Zënter Raiëta“ a La Ila. 

L‘azes é dé da n passaje zënza barieres architetoniches dala strada Colz o da döes stighes defora dala plaza da parché dl „Zënter Raiëta“. 

I ofizi é a 50 metri dala fermada dla coriera „La Ila - Boscdaplan"

planimetria

Ingrandí la mapa
Daurí sö StreetView
STRADA BOSCDAPLAN 105, 39036 BADIA

contat

Atres informaziuns

atualisé l'ultim iade: 28/07/2025, 11:56