Zertificac dai registri anagrafics

Por düc chi che é scric ite tl’ofize anagrafich

Ál se trata de zertificac dai registri anagrafics che reverda iscriziuns atuales, p.ej. situaziun familiara o zertificat de residënza.

An pó damané do le zertificat online tres ANPR (Anagrafe Nazionale Popolazione Residente).

Por podëi adoré le sorvisc él debojëgn de avëi l’azes al SPID de 2° livel (Sistema Pubblico di Identità Digitale), la CIE (Carta di Identitá Elettronica), na CNS (Carta Nazionale Servizi) o de n’atra identité digitala de n ater paisc dl’Uniun Europeica (eIDAS).

La zertificat dl register anagrafich

I zertificac vëgn  normalmënter relascia cun bol, ater co ti caji preodüs dala lege (DPR 642/1972).

Por l’emisciun de n zertificat de familia storich cun inrescida te archif el preodü n cost de € 5,16 por vigni componënt dla familia cun implü l bol da € 16,00.

Ti caji de esenziun el preodü n cost de € 2,58 por vign componënt dla familia.

Por dütes les atres tipologies de zertificac vëgnel preodü n bol da € 16,00 plö i dërc de secretariat.