Cumpëdausc - Iscriziun al register dles porsones adeguades por le laur da cumpëdausc dla sënta da lité

Düc chi che é scric ite tles listes litales dl Comun y che á stlüt jö i dovëis scolastichs pó prejenté domanda.

Ál ne po NIA se scrí ite:

• Dependënc dl minister dl intern, dl minister dla posta y telecomunicaziun y dl minister di trasporc 
• Porsones che fej pert dles forzes armades en sorvisc
• Doturs en sorvisc public
• Secreters de Comun y dependënc de Comun che fej pert dl’ofize lital dl comun 
• Dependënc dles dites che fej sorvisc de trasport publich regional o local
• Candidac ales lites, por chëres che ál vëgn lité
• Zitadins, che sënza iustificaziun ne se á nia prejenté a eserzité la funziun de cumpëdausc a d’ai assegnada
• Condaná, ince cun sentënza nia definitiva, por reac in relaziun ales lites

Por podëi tó pert ales lites sciöche cumpëdausc, messun prejenté domanda de iscriziun al register di cumpëdausc dla sënta litala y plö avisa tl ofize lital. 

An mëss compilé na domanda, sotscrita cun firma digitala o firma a man y menada ala e-mail dl comun. Sce la domanda vëgn firmada a man, spo él debojëgn da mené adöm ala domanda ince na copia de n documënt de reconoscimënt. 

Le modul de domanda y la manjiun e-mail é da ciafé sön chësta plata. 

• Le modul de domanda compilé 
• La firma digitala o na copia de n documënt de reconoscimënt

L’iscriziun tl register di cumpëdausc y la poscibilité de ester nominá en ocajiun de lites sciöche cumpëdausc dla sënta da lité.

Debann