Documënc aministratifs – domanda de azes

A sogec privac che é interessá da avëi azes a documënc aministratifs.

Descriziun: Chësc sorvisc consënt a sogec privac de ciafé azes a documënc aministratifs dl’aministraziun publica.

Chësc sorvisc consënt a sogec privac de ciafé azes a documënc aministratifs dl’aministraziun publica.

Al mëss gní presenté na domanda tres le sorvisc online desponibl sön chësta plata internet.

Por podëi adoré le sorvisc online él nezesciar avëi n SPID de 2° livel (Sistem Publich de Identité Digitala) o na CIE (Cherta d’identité Eletronica).

Tla domanda mëssel gní motivé che por l’azes esistel n interes diret, concret y atual che corespogn a na situaziun iuridicamënter sconada, coliada al documënt a chël che al vëgn damané l’azes.

An ciafa l’azes ai documënc aministratifs dl’aministraziun publica damaná.

La domanda de azes é debann, cosc eventuai vegn aplicá do la presentaziun dla domanda.

Fotocopies (Delibera Junta de comun n. 72 di 09.04.2008)

• Format A4 (blanch/fosch): 0,25 €
• Format A3 (blanch/fosch): 0,50 €
• Format A4 (a corusc): 2,50 €
• Format A3 (a corusc): 3,00 €

Dërc de inrescida y vijiun por la consultaziun dles pratiches dl frabiché atualmënter davertes y d’archif, sciöche ince por mené demez telematicamënter documënc scansioná (Delibera Junta de comun n. 179 di 31.07.2024)

• Euro 40,00 por la pröma ora de laur adorada
• Euro 10,00 por vigni mesora dedô

Tl caje che al vëgnes damané na copia autenticada él debojëgn de döes marches da bol da 16,00 Euro vignöna (1 na marca da bol por la domanda y 1 na marca da bol por le provedimënt, sce chësc n’é nia lëde). I caji de esenziun dala cuta de bol é indicá diretamënter tl sorvisc online metü a desposiziun.

Le paiamënt é obligatore tres la cumpra danfora de marches da bol ti punc de venüda autorisá y cun l’indicaziun di numeri de seria corespognënc tl formular de domanda online. Les marches da bol adorades é da anulé y da conservé en original.