L’ofize lital se crüzia dla gestiun dles listes litales, dl register di presidënc dla sënta da lité y di cumpëdausc, sciöche ince dl register di vicars publics. Implü se crüzia l’ofize dl’emisciun y dl renovamënt dles chertes litales y ál coordinëia dötes les operaziuns in relaziun a lites de vigni sort.
L’ofize lital mëss tigní ajornades les listes di litadus olache al vëgn iscrit düc i zitadins talians residënc tl comun che á complì 18 agn.
Por la lita dl Consëi Regional dl Trentin- Südtirol vëgnel lascé pro ala lita i litadus che al momënt dla publicaziun dl placat dles lites á la residënza tl raiun dla Regiun tresfora da almanco cater agn.
La cherta por lité
Tl 2001 unse ciafé la nöia cherta por lité. Chësta cherta é rigorosamënter personala, ala vê tresfora y mëss gní mostrada al momënt dla lita .
Sce la cherta por lité vëgn pordüda, él le comun che dá fora n duplicat, sön domanda dl titolar.
Iscrziun tla lista di cumpëdausc de seziun litala
I litadus che uressester iscric tla lista di cumpëdausc, dess prejenté domanda pur iscrit al ofize lital dl comun cina ai 30 de novëmber de vigni ann.
Recuisic: Avëi stlüt jö la scora mesana
Documënc da dé jö: Domanda d’iscriziun
Iscriziun tla lista di presidënc de seziun litala
Tla canzlaria de vigni curt d’Apel él istituí na lista di presidënc de seziun litala.
Les domandes d’iscriziun pó gni dades jö cina ai 30 de otober de vigni ann.
Recuisic: Diplom de na scora alta - Ejam de bilinguism A o B
Domumënc da dè jö: Domanda de iscriziun
Orars de daurida al publich:
Danmisdé: dal lünesc al vëindres dales 08:00 ales 12:30
Domisdé: lönesc y mercui dales 16:00 ales 17:30
