Aprovaziun dl regolamënt rielaborè por l’aplicaziun dla tarifa por la gestiun dl refodam da ciasa

Le Consëi Comunal de Badia á aprové le regolamënt nü por la gestiun dla tarifa sön le refodam, metü adöm da 22 articui, che jará en forza dal 1. de jená 2024. Chësta disciplina ajornëia chëra dl 2013 tla löm de normatives provinziales y nazionales nöies y se basëia sön le model lauré fora dal Consorz di Comuns de Südtirol. La regolamentaziun definësc le ciamp, i dovëis, la partiziun, les modalités de calcolaziun, les esenziuns, les reduziuns y les prozedöres de paiamënt.